જો તમારી પત્નીને મિસકેરેજ થયું હોય તો તમારે તેમનું ખાસ ધ્યાન રાખવું જોઇએ. ચાલો જાણીએ કે આવી સ્થિતિમાં શું ધ્યાન રાખવું જોઇએ...

- સૌથી શ્રેષ્ઠ એ રસ્તો છે કે પત્ની સાથે મિસકેરેજ અંગે કોઇ ચર્ચા જ ના કરો
- તમે ફેમિલીમાં પણ બધાને જણાવી દો કે તેઓ આ અંગે કોઇ ચર્ચા ના કરે
- શક્ય છે કે આવા સમયે મોટાભાગના પરિવારના સભ્યો અને સંબંધીઓ મળવા આવે છે અને પોતાની લાગણી દર્શાવે છે. તેને કારણે પત્ની પરેશાન થઇ શકે છે માટે શક્ય હોય બધાને જણાવો કે તેઓ પત્ની સમક્ષ પોતાની લાગણી ના દર્શાવે.
- પત્ની સાથે ફરવા જાઓ. જો ડોકટરે બહાર ફરવા જવાની ના પાડી હોય તો મૂવી જોવા કે ડિનર માટે પણ જઇ શકાય
- શક્ય તો પત્ની ટીવી પર બાળકો સાથે સંકળાયેલા પ્રોગ્રામ ના જુએ તેનું ધ્યાન રાખો. આવું થાય તો તરત જ ચેનલ બદલી નાખો
- ઓફિસેથી વહેલા નીકળીને ઘરે પહોંચી પત્નીને સરપ્રાઇઝ આપો. ત્યારે પત્નીને લાગશે કે તમે કેટલું ધ્યાન રાખો છો
- એક વાતનું ધ્યાન રાખો કે મિસકેરેજ માટે પત્નીને દોષી ના ગણો. પત્નીને સમજાવો કે આ અંગે ફરી પણ વિચારી શકાય છે.